.
हरीण हा अतिशय हुशार आणि चपळ वन्य प्राणी आहे. तितकंच ते संवेदनशील देखील आहे. तसेच खूप भावनिक आहे. राजस्थानमधून हरणाच्या भावनांचा एक व्हिडिओ समोर आला आहे, ज्यामध्ये कुत्रे आणि शिकारीपासून आपला जीव वाचवणाऱ्या व्यक्तीच्या कुशीत येऊन ही मादी हरण ढसाढसा रडू लागली. तीच्या डोळ्यातून अश्रू वाहू लागले. रडणाऱ्या हरणाचा हा व्हिडिओ सोशल मीडियावर चांगलाच व्हायरल होत आहे.
बाडमेरच्या लांगेरा गावात सापडले हरीण :- व्हायरल झालेला व्हिडिओ राजस्थानच्या बाडमेर जिल्ह्यातील लंगेरा गावातील आहे. दोन दिवसांपूर्वी लंगेरा येथील नरपत सिंग यांना दुपारी अशी माहिती मिळाली की गावात एका हरणाचा अपघात झाला आहे. कुत्रे आणि शिकारीपासून हरणांला धोका आहे. त्याला वाचवले पाहिजे असे त्यांच्या मनात आले.
नरपत सिंग जेव्हा घटनास्थळी पोहोचले तेव्हा त्यांनी पाहिले की सुमारे दोन वर्षांची हरिण झाडाच्या मागे लपून उभी आहे. आणि ती हरीण गर्भवती असल्याचे त्यांच्या निदर्शनास आले. हरीण घाबरले होते. या अपघातात त्याच्या शरीराच्या मागील भागाला दुखापत झालेली दिसली. त्यामुळेच ती धावू शकली नाही.
ग्रीन मॅन सायकलिस्ट नरपत सिंग यांची मुलाखत :- वन इंडिया हिंदीशी बोलताना नरपत सिंह यांनी सांगितले की, हरणाला घटनास्थळावरून उचलून 12 किमी दूर असलेल्या बारमेर जिल्हा मुख्यालयातील सरकारी पशु रुग्णालयात आणण्यात आले. येथे डॉ.शर्मा यांनी उपचार केले. इंजेक्शन आणि औषध दिल्यानंतर हरणाची तब्येत सुधारली. त्यानंतर त्या हरिणाला वनविभागाच्या कर्मचाऱ्यांच्या ताब्यात देण्यात आला. त्यांनी त्या हरणाला सुरक्षित जंगलात सोडले.
हरणाचा व्हिडिओ फेसबुकवर शेअर केला आहे :- तत्पूर्वी ग्रीन मैन नरपत सिंग याने उपचार करून झाल्यानंतर हरणाला आपल्या कुशीत घेतले आणि त्यावेळी त्याचे डोळे भरून आले होते. नरपतसिंगच्या कुशीत शिरून ती हरीण ढसाढसा रडू लागली. हरिणाला रडताना पाहून खुद्द नरपत सिंगलाही आपले अश्रू आवरता आले नाहीत. नरपत सिंगने रडणाऱ्या हरणाला मिठी मारली आणि त्याचे चुंबन घेतले. यानंतर त्याला जंगलात सुखरूप सोडण्यात आले. हरणाचा हा व्हिडिओ त्यांनी त्यांच्या फेसबुक प्रोफाईलवर शेअर केला आहे.
आतापर्यंत 180 हरणांचे प्राण वाचवले आहेत :- नरपत सिंह हा मूळचा बाडमेरच्या लंगेरा गावचा रहिवासी आहे. गेल्या दहा वर्षांपासून ते बारमेर जिल्ह्यात कुत्रे आणि शिकारीपासून हरणांचे रक्षण करण्यात मग्न आहेत. आतापर्यंत 180 हरणांचे प्राण वाचवले आहेत. यामध्ये त्या हरणांचा समावेश आहे, जे कधीकधी काटेरी तारांमध्ये अडकलेले आढळले होते. एकट्या लेंगेरा गावाच्या परिसरात 400 हून अधिक हरणे फिरत आहेत.
